Únemdelgen qarjyny memqyzmetshilerge syıaqy retinde berýge bolady – Jamaýbaev
ASTANA. KAZINFORM - Prezıdent keńesshisi, burynǵy Qarjy mınıstri Erulan Jamaýbaev únemdelgen qarjyny memlekettik qyzmetshilerge tyıym salýǵa oraı pikir bildirdi.
«Qarjy mınıstrliginiń jaýapty hatshysy, Qarjy mınıstri bolyp jumys istedim. Bul jerde anyqtap ketetin másele bar. Eger bıýdjette syıaqyǵa qarajat kózdelgen bolsa, onda ony eshkim alyp qoımaıdy. Syıaqy retinde beriledi. Degenmen, memlekettik organdar satyp alý protsesin júrgizgende únem bolady. Sol únemdi Qarjy mınıstrligi syıaqy retinde bermeý týraly sheshim qabyldap otyr. Biraq ol áli zańdastyrylmaǵan. Qazynalyq shot bar. Sodan bir-birine aýdarýǵa bóget qoımaqshy. Árıne, ózimde bilemin, qanshama adam memlekettik qyzmette. Qarapaıym qyzmetkerlerge aýyr tıedi. Odan ózim de ótkenmin. Sondyqtan durys sheshim qabyldaý qajet», - dedi Erulan Jamaýbaev búgin ótetin Sheteldik ınvestorlar keńesi otyrysy aıasynda BAQ ókilderiniń saýalyna oraı.
Sonymen qatar ol úlken soma emes, qandaı da bir qarajat qalsa, onda ony bólýge bolatyndyǵyn aıtady.
«Bul zańǵa qaıshy emes. Qarsymyn dep aıta almaımyn. Biraq istelip jatqan áreketti túsinip otyrmyn. Sebebi, memleket qarajatyn únemdeý basty másele bolyp otyr. Durys sheshim qabyldaý qajet», - dedi ol.
Keshe Májilistiń jalpy otyrysynan keıin Qarjy mınıstri Mádı Takıev memlekettik qyzmetshilerge únemdelgen bıýdjet qarjysy syıaqy túrinde berilmeıtindigin aıtqan bolatyn.
