Únemdelgen qarjy esebinen 14 kanal betondalyp jatyr
ASTANA.KAZINFORM - Sý resýrstary jáne ırrıgatsııa mınıstrligi Eýropalyq qaıta qurý jáne damý bankimen birlesip júzege asyryp jatqan ırrıgatsııalyq jelilerdi rekonstrýktsııalaý jobasy aıasynda únemdelgen qarajat esebinen 14 kanaldy betondaýdy josparlap otyr.
Kanaldardyń jalpy uzyndyǵy 85,5 shaqyrym. Qazirgi tańda «Sámbet», «Baızaq», «Jambyl», «Qýat», «Qýat oń jaǵalaý», «Qýat sol jaǵalaý», «Ismaıl», «Boshaqaı», «Boshaqaı-1», «Boshaqaı-2», «Saza», «Tómengi Saza» jáne «Aıtaq» kanaldarynda jumystar bastalyp ketti. Al «Seıdaly» kanaly boıynsha konkýrs rásimderi júrgizilip jatyr.
Sonymen qatar Jambyl oblysynyń Baızaq aýdanynda jalpy uzyndyǵy 85,3 shaqyrym 17 kanalǵa arnalǵan jobalaý-smetalyq qujat ázirlendi. Onyń ishinde 12 joba memlekettik saraptamadan ótip úlgerdi. Qurylys-montaj jumystary jyl sońyna deıin bastalady dep josparlanyp otyr.
— Barlyq joba boıynsha Eýropalyq qaıta qurý jáne damý bankiniń óńirlik keńsesinen maquldaý alyndy. 2026 jyldyń basyna qaraı Sý resýrstary jáne ırrıgatsııa mınıstrligi EQDB-men birlesken 46 jobany aıaqtady. Nátıjesinde 502 shaqyrym kanal rekonstrýktsııalandy. Bıyl taǵy qoldanystaǵy 5 jobany aıaqtaý josparlanyp otyr,— dedi Sý resýrstary jáne ırrıgatsııa mınıstri Nurjan Nurjigitov.
Aıta keteıik, Almatyda Úlken Almaty kanalyn qaıta jańǵyrtý jumystary qazan aıynda aıaqtalýǵa tıis. Alaıda qala ákimi Darhan Satybaldy nysandy jaz mezgilinde sý jiberip tekserý úshin jumysty jedeldetýdi tapsyrdy.
Kanaldardy rekonstrýktsııalaýda 600 mln teńgege jýyq qarjy únemdeldi.
Jambyl oblysynda 40 jyl boıy tazartylmaǵan kanal qalpyna keltirilip jatyr.
