Úndistannyń soltústigindegi Gımalaı taýynyń eteginde Reseıdiń eki turǵynynyń denesi tabyldy

Úndistannyń soltústigindegi (Hımachal-Pradesh shtaty) Manıkaran eldi mekeni aýdanynda Parvatı ózeniniń jaǵasynda eki Reseı turǵynynyń denesi tabyldy. Bul týraly Kazinform reseılik TASS agenttigine silteme jasap habarlaıdy.

«Er jáne áıel adamnyń denesi ystyq sý kózi janynan tabyldy. Olardyń denesinde jaraqat bar, alaıda olar adam ómirine qaýip tónidrerlikteı emes», - dedi agenttiktiń derekkózi.

«Ázirge polıtsııa budan qylmys belgisin kórip turǵan joq, tergeý júrip jatyr»,-dep habarlady quqyq qorǵaý organynyń qyzmetkerleri.

Reseılikter turǵan qonaqúıden hat tabyldy.

«Ol aǵylshyn tilinde jazylǵan jáne onda jeke zattardy Reseı elshiligi men týystaryna berý týraly ótinish jasaǵan»,-dep málimdedi polıtsııa.

Reseılikterdiń denesi jatqan jerden ssondaı-aq ustara, uıaly telfon, shyraq pen ózge de zattar tabylǵan. Máıitter Kýllý okrýgindegi aýrýhanaǵa jiberildi.