Úndistannyń soltústiginde tikushaq apatqa ushyrady

ASTANA. KAZINFORM — Úndistannyń soltústigindegi Gımalaı aımaǵynda tikushaq apatqa ushyrady, dep habarlaıdy TASS.

ANI agenttiginiń málimetinshe, tikushaq bortynda pılotty qosqanda jeti adam bolǵan. NDTV telearnasy barlyq jolaýshylardyń qaza tapqanyn habarlady. Alaıda ázirge resmı túrde qaza tapqandar sany jarııalanǵan joq.

Tikushaq Ýttarakhand shtatynyń taýly óńirindegi Kedarnath aýylynan keri baǵytta qaıtyp kele jatqan.

Aldyn ala boljam boıynsha, apatqa qolaısyz aýa raıy sebep bolýy múmkin.

Eske salaıyq, buǵan deıin Úndistanda Air India ushaǵy apatqa ushyrap, dárigerlerge arnalǵan jataqhana ǵımaratyna qulaǵan.