Úndistannyń soltústiginde alty adam mingen tikushaq apatqa ushyrady
ASTANA. KAZINFORM — Úndistannyń soltústiginde bes qajy men ushqyshty tasymaldaǵan tikushaq apatqa ushyrady. Oqıǵa ornynda izdestirý-qutqarý jumystary júrip jatyr. Bul týraly Kazinform agenttigi AZERTADJ-ǵa silteme jasap habarlady.
Áýe apaty 30 qazanda Úndistannyń Ýttarakhand shtatyndaǵy Chamolı aýdanynda, Djoshımat qalasynyń mańyndaǵy taýly aımaqta bolǵan.
Aldyn ala málimet boıynsha, tikushaq óńirde qalyń qar jaýyp turǵanyna qaramastan, Badrınath qajylyq ortalyǵynan ushyp shyqqan.
Aýa raıynyń nasharlaýyna baılanysty jergilikti bılik dabyldyń qyzǵylt sary deńgeıin jarııalady. Bul aımaqta aınala durys kórinbeı, naızaǵaı oınap, burshaq jaýyp jatyr.
Apat ornyna shuǵyl qyzmetter jiberildi. Alaıda qolaısyz aýa raıy men taýly jer bederi izdestirý-qutqarý jumystaryna kedergi keltirip otyr.
Qaza tapqandar men zardap shekkender týraly ázirshe aqparat túsken joq. Áýe apatynyń sebepteri men mán-jaıy anyqtalyp jatyr.
Eske salaıyq, buǵan deıin Bosnııa jáne Gertsegovınada áskerı tikushaqtyń apatqa ushyrap, saldarynan tórt adam qaza tapqanyn habarlaǵan edik.
