Úndistannyń iri áýe tasymaldaýshysy reısterin toqtatyp jatyr

ASTANA. KAZINFORM - Nıý-Delıdegi Indıra Gandı áýejaıynyń jolaýshylary syrtta tur. Sebebi Indigo Airlines áýe kompanııasynyń birneshe reısi ushpaı qaldy, dep habarlaıdy Euronews.

Úndistannyń iri áýejaılary IndiGo áýe kompanııasy reısteriniń jappaı toqtaýyna baılanysty daǵdaryp qaldy. 

Jaǵdaıdyń bulaısha qalyptasýynyń basty sebebi ushqyshtar men ekıpajdardyń jumys ýaqytyn shekteıtin jańa zań bolyp otyr. Áýe tasymaldaýshy jańa talapty ýaqytynda engizip úlgermegen. 

Jolaýshylar birneshe saǵat boıy kezekte turyp, tipti termınaldarda túnegenin aıtyp, shaǵymdandy. Bul jaǵdaı tórtinshi kún qatarynan qalyptasyp otyr. Ekıpajdyń jańa demalys talaptary shilde jáne qarasha aılarynda kezeń-kezeńimen engizilip, ushý kestesin qaıta qurýdy qajet etken. Jospardaǵy olqylyqtarǵa baılanysty beısenbi kúni 300-den astam reıs toqtatylyp, taǵy júzdegeni keshiktirildi.

Delıde juma kúni IndiGo áýe kompanııasynyń barlyq ishki baǵyttardaǵy reısteri tún ortasyna deıin tolyq toqtatylatyny málim boldy. 

Air India sekildi ózge tasymaldaýshylarda mundaı daǵdarys baıqalyp otyrǵan joq. IndiGo kún saıyn shamamen 2300 reıs oryndap, eldiń ishki áýe tasymalynyń 65 paıyzyn qamtamasyz etedi.

Osyǵan deıin keler jyly Qazaqstanda ushaq jáne poıyz bıleti qymbattaı ma, degen saýal tóńireginde materıal jarııalaǵan bolatynbyz.