Úndistannyń Pákistanǵa jasaǵan áýe shabýylynan qaza tapqandar sany 31 adamǵa jetti

ASTANA. KAZINFORM – Pákistan armııasynyń ókili Ahmed Sharıf Chodrıdiń aıtýynsha, 57 adam jaraqat alǵan, dep habarlaıdy VVS.

Pákistan Premer-Mınıstri Shehbaz Sharıf buǵan deıin Úndistannyń soqqysyn «jazasyz qalmaıtyn jıirkenishti agressııalyq áreket» dep ataǵan bolatyn.

Esterińizge sala keteıik, Pákistan Úndistannyń soqqylary beıbit aýyldar men meshitterge tıip, 26 adam qaza tapqanyn málimdedi. Kóz jumǵandar ishinde balalar da bar. Qazir qaza tapqandar sany 31 adamǵa jetti, al 57 adam jaraqat aldy.

Buǵan deıin Úndistan Pákistan baqylaýyndaǵy Djammý jáne Kashmır aımaqtaryna soqqy bergenin jáne bul aýmaqtarda Úndistanǵa qarsy lańkestik shabýyldar josparlanyp, basqarylǵan «terrorıstik ınfraqurylym» ornalasqanyn málimdegen edi.

Úndistan Pahalgamdaǵy teraktiden keıin Pákistanǵa qarsy sharalar jarııalady.

Úndistan men Pákistan soqqylaryn kúsheıte tústi.

Tramp Úndistan men Pákistandaǵy qaqtyǵysty sheshýge kómektesýge daıyn ekenin málimdedi.