Úndistannyń ońtústigin qýatty tsıklon basyp qaldy, qaza tapqandar bar
ASTANA. KAZINFORM – «Mýrasý» kúshti tsıklony Úndistannyń ońtústigindegi Andhra-Pradesh shtatyna soǵyp, birneshe eldi mekendi sý basyp, joldarǵa zaqym keltirdi, dep habarlaıdy Anadolu agenttigi.
Dúleı daýyl 3 qarasha, seısenbi kúni jaǵalaýǵa jetti. Óńirlik tabıǵı apattardyń saldaryn joıý basqarmasynyń málimetinshe, tsıklon saldarynan keminde eki adam qaza tapqan.
Tolassyz jaýǵan jańbyr shtattyń birneshe aýdanynda sý tasqynyna ákeldi. Keıbir aýyldardy sý basyp, avtomobıl joldary búlindi.
4 qarasha, sársenbi kúni shtattyń bas mınıstri Chandrababý Naıdý zardap shekken aýmaqtardy áýeden sholyp shyqty. Onyń aıtýynsha, birqatar eldi meken áli de sý astynda qalyp otyr.
Sol kúni Úndistan premer-mınıstri Narendra Modı Naıdýmen telefon arqyly sóılesti. Shtat basshysy túrli salalarǵa aıtarlyqtaı zalal kelgenin aıtyp, ortalyq úkimetten kómek surady.
Buǵan deıin Úndistannyń ońtústik jaǵalaýyna «Arnab» tsıklony soǵyp, keminde bes adamnyń ómirin qıǵan edi.
Sondaı-aq Bolıvııa bıligi sý tasqyny qaýpine baılanysty tótenshe jaǵdaı jarııalady.
