Úndistannyń Kerala shtatynda nóser jaýyn men naızaǵaıdan 11 adam qaza boldy

NЬıÝ-DELI. KAZINFORM – Úndistannyń ońtústigindegi Kerala shtatynda nóser jaýyn saldarynan kem degende 11 adam qaza boldy. Bul týraly juma kúni jergilikti bılik ókilderi habarlady, dep jazady Sınhýa.

«Jaýyn-shashyn saldarynan qaza tapqan 11 adamnyń altaýy túrli sýǵa batyp ketý oqıǵalarynan kóz jumǵan, ekeýi sý toltyrylǵan karerlerge qulady, ekeýi naızaǵaı soǵyp, bireýi qabyrǵanyń opyrylýynan qaza tapty», – dep málimdegen jergilikti sheneýnik jýrnalısterge.

Sońǵy 24 saǵatta shtattyń keıbir bólikterinde 20 sm-den astam jaýyn-shashyn tústi, dep qosty sheneýnik.

Sonymen qatar, bılik ókili órt sóndirýshiler, polıtsııa qyzmetkerleri jáne basqa da bólimsheler kez kelgen oqıǵaǵa saqadaı saı ekenin málimdedi.