Úndistannan Reseıge avtostoppen shyqqan saıahatshy Qazaqstanda jolda qaldy
SEMEI. KAZINFORM – Úndistannan Reseıge avtostoppen shyqqan saıahatshy Abaı oblysy polıtseılerinen kómek surady.

Polıtsııa qyzmetkerleri «Kordon» beketinde Reseı Federatsııasynyń azamatyna kómek kórsetti. Ol Úndistannan avtostoppen kele jatqan.
- Polıtsııa kapıtany Azamat Ahmadıevke jáne polıtsııanyń aǵa leıtenanty Estaı Mýsınge 40 jastaǵy Reseı Federatsııasynyń azamaty Igor Jýkov júgindi. Ol shekaraǵa deıin kólik tabýǵa kómek surady. Tártip saqshylary saıahatshyǵa kómek kórsetip, shekaradan ótý tártibin túsindirip, onyń ári qaraıǵy jolyn qaýipsiz túrde uıymdastyrýǵa kómektesti, - dep habarlady oblystyq Polıtsııa departamentinen.
Igor Jýkov tek polıtseılerge emes, barsha qazaq eline rızashylyǵyn bildirdi.
- Avtostoppen birneshe memleketti aralap, endi mine Qazaqstanǵa taban tirep otyrmyn. Mundaǵy halyqtyń qonaqjaılyǵy keremet. Meıirim tógip, árkez kómektesýge ázir turady. Sol úshin sizderge shyn júrekten alǵys aıtamyn! - dedi saıahatshy.
Eske salsaq, buǵan deıin Abaı oblysynda 1300-den astam júrgizýshi qaýipsizdik beldigin taqpaǵany úshin jazalanǵany jaıly jazǵanbyz.