Úndistannan kelgen jolaýshydan anyqtalǵan tyrysqaq oshaǵy joıyldy - DSM
ASTANA. KAZINFORM – Densaýlyq saqtaý mınıstrliginiń resmı ókili Áıgerim Orazalıeva Úndistannan kelgen jolaýshydan anyqtalǵan tyrysqaq oshaǵy joıylǵanyn málim etti.
«Sonymen qatar resmı ókil Elimizdiń sanıtarııalyq-epıdemıologııalyq qyzmeti Delı-Almaty baǵyty boıynsha Air Astana áýe kompanııasy reısiniń bortynda tirkelgen tyrysqaq jaǵdaıy oshaǵynyń sátti joıylǵandyǵyn habarlaıdy. Sanıtarııalyq-epıdemıologııalyq qyzmet mamandarynyń jedel is-qımylynyń arqasynda el ishinde tyrysqaqtyń taralý kózin joıýǵa, ınfektsııany ýaqtyly anyqtaýǵa jáne oqshaýlaýǵa múmkindik boldy. Syrqattanǵan Qyrǵyz Respýblıkasynyń azamatshasy emdelýden sátti ótip, statsıonardan shyǵaryldy», - dedi resmı ókil Ortalyq kommýnıkatsııalar qyzmetindegi brıfıngte.
Buǵan deıin 5 sáýir kúni Delı-Almaty baǵyty boıynsha Air Astana reısiniń bortynda sanıtarlyq-karantındik baqylaýdy júzege asyrý barysynda ish ótý, aıqyn álsizdik, aýyzdyń qurǵaýy týraly shaǵymdary bar jolaýshy anyqtalǵanyn habarlaǵan edik.
