Úndistandyq kásipker Ratan Tata búkil baılyǵyn ıtine mura etip qaldyrdy

ASTANA. KAZINFORM – 9 qazanda 86 jasynda qaıtys bolǵan úndistandyq kásipker Ratan Naval Tata 91 mıllıon fýnt sterlıngke (118,1 mıllıon dollar) baǵalanǵan baılyǵyn ıtine, sondaı-aq qyzmetkerlerine ósıet etti, dep habarlaıdy The Times.

Eshqashan úılenbegen jáne balalary joq Tata súıikti úı janýaryna únemi kútim jasaýdy surady.

Qyzmetkerlerden basqa, Tata múlkiniń bir bóligin ósıette kórsetilgen aǵasy men qaryndastary alady. Kásipkerdiń jaqyn dosy Sýhel Set Ratan Tatanyń aspaz ben kútýshige árdaıym qurmetpen qaraıtynyn, olardy jıi bir dastarhanǵa qonaqqa shaqyratynyn aıtty.

2018 jyly Tata naýqas ıtimen birge bolý úshin Býkıngem saraıyna barýdan bas tartty. Bul áreket sol kezdegi hanzada Charlzǵa, qazirgi Korol Charlz III-ge áser etti, ol Tatany «naǵyz adam» dep atady.

Ratan Naval Tata 1937 jyly 28 jeltoqsanda Bombeıde dúnıege kelgen jáne kóp jyldar boıy Tetley Tea, Corus Steel jáne Jaguar Land Rover brendterin satyp alǵan iri Tata Group kompanııasyn basqardy.