Úndistandaǵy ushaq apaty: zardap shekken qazaqstandyqtar týraly aqparat joq

ASTANA. KAZINFORM – Air India áýe kompanııasynyń búgin Meghanı aýdanyndaǵy áýejaı mańynda apatqa ushyraǵan ushaǵy bortynda bolǵan qazaqstandyqtar týraly ázirge aqparat joq, dep jazdy Kazinform tilshisi.

– Qazaqstannyń Nıý-Delıdegi elshiligi Úndistannyń quzyrly organdarymen baılanysta. Air India ushaǵynyń apatynan qaza tapqan nemese zardap shekken Qazaqstan azamattary týraly aqparat túsken joq, – dep habarlady QR Syrtqy ister mınıstrligi.

Buǵan deıin Air India kompanııasyna tıesili jolaýshylar ushaǵy apatqa ushyraǵany týraly habarlanǵan bolatyn. Ushaqta 240-tan astam adam bolǵan.

— Ahmedabad qalasynan saǵat 13:38-de ushyp shyqqan reıste Boeing 787-8 ushaǵynyń bortynda 242 jolaýshy men ekıpaj múshesi bolǵan. Olardyń ishinde:

• 169 Úndistan azamaty
• 53 Ulybrıtanııa azamaty
• 1 Kanada azamaty
• 7 Portýgalııa azamaty bar, — dep málimdedi Air India áýe kompanııasy áleýmettik jelidegi X paraqshasynda.