Úndistandaǵy ushaq apaty: oqıǵa ornynda bolǵan 50 adam jaraqat aldy
NЬıÝ-DELI. KAZINFORM — Gýdjarat shtatynyń Densaýlyq saqtaý jáne áleýmettik qamsyzdandyrý departamentiniń orynbasary Dhanandjaı Dvıvedı keıbir jaraqat alǵandardyń jaǵdaıy aýyr, biraq turaqty ekenin aıtty, dep jazdy TASS.
Úndistannyń batysynda Air India áýekompanııasynyń ushaǵy qulap, jerdegi 50-ge jýyq adam jaraqat aldy. Bul týraly jýrnalısterge Gýdjarat shtatynyń Densaýlyq saqtaý jáne áleýmettik qamsyzdandyrý departamentiniń orynbasary Dhanandjaı Dvıvedı habarlady.
Onyń aıtýynsha, ushaq qulaǵan aýmaqta medıtsınalyq kolledjdiń jataqhanasy men shtattyq aýrýhana qyzmetkerleriniń jatyn orny, ózge de ǵımarattar bar.
— Osy aýmaqta bolǵandar jaraqat aldy. Shamamen 50 zardap shekken Ahmedabad aýrýhanalaryna jetkizildi, — dedi ol.
Dvıvedı keıbir jaraqat alǵandardyń jaǵdaıy aýyr ekenin aıtty.
Buǵan deıin Úndistan polıtsııasy Air India ushaǵy dárigerlerge arnalǵan jataqhana ǵımaratyna qulaǵanyn habarlaǵan bolatyn.
Eske sala keteıik, Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady.
Ahmadabadtan 13:38–de kóterilgen Boeing 787-8 ushaǵynyń bortynda 242 jolaýshy men ekıpaj músheleri bolǵan. Olardyń 169-y Úndistan azamaty, 53-i Ulybrıtanııa azamaty, bireýi Kanada azamaty jáne jeteýi Portýgalııa azamaty bolǵany habarlandy.
QR Syrtqy ister mınıstrligi Air India ushaǵynyń apatynan qaza tapqan nemese zardap shekken Qazaqstan azamattary týraly aqparat túspegenin habarlady.
Qazaqstan Prezıdenti Úndistan Premer-mınıstrine kóńil aıtý jedelhatyn joldady.
Aldyn-ala málimet boıynsha Air India ushaǵynda bolǵan 242 jolaýshynyń bári qaza tapqany habarlandy.