Úndistandaǵy ushaq apaty: qutqarýshylar 60 adamnyń denesin tapty

NЬıÝ-DELI. KAZINFORM — Úndistannyń batysynda bolǵan jolaýshylar ushaǵy apatynyń ornynan 60 adamnyń máıiti tabyldy. Bul týraly The New Indian Express basylymy habarlady, dep jazdy TASS.

Bar málimetterge qaraǵanda, qaza tapqandardyń jalpy sany 150 adamǵa jetýi múmkin. Qutqarýshylar qırandylar arasynan tabylǵan 60 máıittiń onyn medıtsınalyq kolledjdiń jataqhana aýmaǵynan shyǵarǵan.

Atalǵan jataqhana – Air India ushaǵy qulaǵan jer.

Buǵan deıin Úndistan polıtsııasy Air India ushaǵy dárigerlerge arnalǵan jataqhana ǵımaratyna qulaǵanyn habarlaǵan bolatyn.

Eske sala keteıik, Air India áýekompanııasynyń Boeing 787 Dreamliner ushaǵy Ahmedabad qalasyndaǵy Sardar Vallabhbhaıa Patela halyqaralyq áýejaıynan ushyp shyqqannan keıin kóp uzamaı apatqa ushyrady.

Ahmadabadtan 13:38–de kóterilgen Boeing 787-8 ushaǵynyń bortynda 242 jolaýshy men ekıpaj músheleri bolǵan. Olardyń 169-y Úndistan azamaty, 53-i Ulybrıtanııa azamaty, bireýi Kanada azamaty jáne jeteýi Portýgalııa azamaty bolǵany habarlandy.

Qazaqstan Prezıdenti Úndistan Premer-mınıstrine kóńil aıtý jedelhatyn joldady.

Artynsha Úndistandaǵy ushaq apaty bolǵan jerde 20 medıtsına stýdenti jaraqat alǵany belgili boldy.