Úndistandaǵy nóser jaýyn saldarynan 50-den astam adam qaza tapty

ASTANA. KAZINFORM — Úndistannyń Hımachal-Pradesh shtatynda tolassyz nóser jaýyn, sý tasqyny men kóshkin saldarynan keminde 51 adam qaza taýyp, taǵy 22 adam habar-osharsyz ketken. Tabıǵı apattar qazirgi mýsson maýsymynda búkil shtatqa aıtarlyqtaı zııan keltirip otyr, dep habarlaıdy NDTV.

Tótenshe jaǵdaılar jónindegi memlekettik ortalyq 20 maýsym men 1 shilde aralyǵyndaǵy zalal týraly esep jarııalady.

— Qazirgi ýaqytta ártúrli sebepterge  sý tasqyny bolyp, kóshkin júrip, naızaǵaı túsip, jol-kólik oqıǵalaryna baılanysty 51 adamnyń qaza tapqany belgili boldy, — delingen esepte.

Sonymen qatar, mýsson maýsymyna baılanysty túrli oqıǵa saldarynan 103 adamnyń jaralanǵany habarlandy.

Resmı málimetterge sáıkes, 204 úı zaqymdanǵan, olardyń 22-si tolyǵymen qıraǵan. Sondaı-aq 84 nysan — dúkender, qora-jaılar men jumysshylardyń baspanalaryna zııan kelgen.

— Bul derekter jergilikti jerlerden jańa málimetter túsken saıyn naqtylanady, — dedi ortalyq ókili.

Buǵan deıin, Pákistanda da nóser jaýyn saldarynan eki kún ishinde taǵy jeti adam kóz jumyp, 26 maýsymnan beri mýsson maýsymynda qaza tapqandardyń jalpy sany 45 adamǵa jetkeni habarlanǵan edi.

Aıta ketelik Úndistanda kópir opyrylyp, týrıster qaza tapqan edi.