Úndistandaǵy nóser men daýyldan 28 adam mert boldy
ASTANA. KAZINFORM — Úndistannyń birneshe shtatynda nóser jańbyr men kúshti daýyl saldarynan bolǵan túrli oqıǵalardan 28 adam qaza tapty, dep habarlaıdy Hindustan Times.
Basylymnyń málimetinshe, eldiń ár óńirinde bolǵan jaýyn-shashyn men daýyldy jel turǵyndardyń turmys-tirshiligine aıtarlyqtaı zııan keltirgen, dep jazady Anadoly.
Eń kóp adam shyǵyny Ýttar-Pradesh shtatynda tirkeldi.
Onda eki adam naızaǵaı soǵyp, qaza boldy.
Nóser jańbyr men daýyl kezinde aǵashtyń turǵyn úıdiń ústine qulaýynan taǵy úsh adam qaza tapqan.
Al salynyp jatqan kópirdiń opyrylýy saldarynan alty adam mert bolǵan.
Daýyldan kóptegen janýar shyǵynǵa ushyrady.
Birqatar ǵımaratqa da zaqym kelgen.
Batys Bengalııa jáne Bıhar shtattarynda kúshti daýyl men naızaǵaıdan jeti adamnan qurban boldy.
Madhıa-Pradesh shtatynda nóser jańbyr saldarynan úsh adam qaza taýyp, taǵy eki adam jaraqat alǵan.
Meteorologııa qyzmetiniń ókilderi Úndistannyń soltústik óńirlerinde qolaısyz aýa raıy aldaǵy kúnderi de saqtalýy múmkin ekenin eskertti.
Osyǵan deıin Qytaıda nóser saldarynan 6 adam kóz jumyp, 10 adam iz-túzsiz ketkeni týraly jazdyq.
