Úndistandaǵy maısham zaýytynan órt shyǵyp, 7 adam qaza tapty
Juma kúni Úndistannyń batysyndaǵy Maharashtra shtatynda joıqyn órt saldarynan keminde jeti adam qaza taýyp, taǵy birneshe adam jaraqat aldy.
Kazinform agenttigi bul týraly qytaıdyń Sınhýa aqparat agenttigine silteme jasap habarlaıdy.
Órt juma kúni keshke Maharashtra shtatynyń astanasy Mýmbaıdan ońtústik-shyǵysqa qaraı 140 shaqyrym jerde ornalasqan Pýna okrýginiń Pımprı-Chınchvad aımaǵyndaǵy sham zaýytynan shyqty.
Qaza bolǵandardyń barlyǵynyń tulǵalary anyqtaldy, olardyń kóbi áıelder.
Fabrıka ishindegi janǵysh materıaldar jaǵdaıdy ýshyqtyrdy, órt sóndirýshiler jalyndy óshirýge bir saǵattan astam ýaqyt saǵat qajet boldy.
Ázirge órttiń shyǵý sebebi belgisiz.
Úndistandyq zaýyttar jıi órt qaýpine ushyraıdy, óıtkeni onda tıisti qaýipsizdik normalary kóbine elenbeıdi.
