Úndistandaǵy feıerverk fabrıkasynda bolǵan jarylystan segiz adam qaza tapty
ASTANA.KAZINFORM — Úndistannyń ońtústigindegi Andhra-Pradesh shtatynda ornalasqan petarda shyǵaratyn fabrıkada jeksenbi kúni bolǵan jarylys saldarynan kem degende segiz jumysshy qaza taýyp, taǵy jeteýi jaraqat aldy. Bul týraly Sınhýa habarlady.
Bul týraly jergilikti polıtsııa habarlady.
Oqıǵa Andhra-Pradesh shtatynyń ákimshilik ortalyǵy Amaravatıden 303 shaqyrym soltústik-shyǵysqa qaraı ornalasqan Anakapallı okrýgindegi Kaılasapatnam aýylynda bolǵan.
Jaraqat alǵandar jaqyn mańdaǵy aýrýhanaǵa jetkizildi.
Aldyn ala tergeý nátıjesinde jarylys fabrıkanyń jarylǵysh zattar saqtalatyn qoımasynan shyqqany jáne ottyń búkil ǵımaratqa tez taralyp, birneshe jumysshynyń shyǵyp úlgerýine kedergi bolǵany anyqtaldy. Oqıǵa kezinde fabrıkada 15 adam jumys istep jatqan.
Órt sóndirý qyzmetiniń ókili Nırandjan Reddıdiń aıtýynsha, jarylys pen odan keıingi órttiń yqtımal sebebi — óndiristik protsestegi adamı qatelik.
Aıta ketelik Úndistan men Nepalda nóser jaýynnan 90-nan astam adam qaza tapty.