Úndistandaǵy dinı merekede 17 adam kóz jumdy
ASTANA. KAZINFORM — Úndistannyń Batys Bengalııa shtatyndaǵy Kalkýtta qalasynda dinı mereke kezinde adamdardyń qysylyp, bir-birin basyp ketýi saldarynan 17 adam qaza tapty, dep habarlaıdy Anadoly.
Hindustan Times gazetiniń málimetinshe, oqıǵa jergilikti ýaqyt boıynsha saǵat 19:40–ta Kalkýttada ótip jatqan dinı mereke kezinde bolǵan.
Oqıǵa saldarynan 17 adam kóz jumyp, taǵy 25 adam jaraqat aldy. Zardap shekkender medıtsınalyq kómek kórsetý úshin aýrýhanaǵa jetkizildi.
NDTV telearnasynyń habarlaýynsha, qaza tapqandardyń arasynda 13 áıel men bir bala bar.
Mereke kezinde nóser jańbyr jaýǵan. Jańbyrdan qorǵaný úshin kópshilik jabyq ǵımaratqa jappaı umtylyp, bir-birin ıterip, qysyla bastaǵan.
Aıta keteıik, Shymkentte Qaırat Nurtastyń kontserti kezinde qaýipsizdik talaptarynyń buzylýyna baılanysty qylmystyq is qozǵaldy. Kontsert uıymdastyrýshysy ustalyp, ýaqytsha ustaý ızolıatoryna qamaldy.
