Úndistandaǵy aýyldy qýatty sel basyp, tórt adam qaza tapty
ASTANA. KAZINFORM – Úndistannyń soltústigindegi Ýttarakhand shtatynda ornalasqan Dharalı aýylynda bolǵan sel saldarynan keminde tórt adam qaza taýyp, ondaǵan adam iz-túzsiz joǵalyp ketti, dep habarlaıdy The Times of India.
Aýyl ornalasqan Ýttarkash okrýginiń sýdıasy Prashant Arıa tótenshe sý tasqyny saldarynan tórt adamnyń mert bolǵanyn rastady.
— Aýdanǵa sel túrindegi qýatty sý tasqyny tıdi. Qazir biz adam ómiri men múlikke kelgen zalaldyń aýqymyn baǵalap jatyrmyz, — dedi Arıa.
Onyń aıtýynsha, jedel izdestirý-qutqarý jumystary úshin aımaqqa armııa bólimsheleri, Ulttyq (NDRF) jáne Memlekettik tótenshe jaǵdaılarǵa áreket etý kúshteri (SDRF) jiberildi.
#Uttarakhand cloudburst: Flash floods hit #Uttarkashi; several villagers washed away
— The Times Of India (@timesofindia) August 5, 2025
Know more 🔗https://t.co/BjBg7zAn3Y pic.twitter.com/KAVTdH5yCU
Úndistannyń meteorologııalyq qyzmeti 10 tamyzǵa deıin Ýttarakhand aýmaǵynda, ásirese taýly óńirlerde, qatty jaýyn-shashyn jalǵasatynyn eskertti.
Eske sala keteıik, buǵan deıin Úndistanda 14 adam mingen kólik kanalǵa qulap ketken edi.