Úndistanda ulttyq aza tutý jarııalandy
ASTANA.KAZINFORM — Úndistan úkimeti 13 shildede Qatar ámiriniń ákesi Hamad ben Halıfa Ál-Tanıdiń qaıtys bolýyna baılanysty ulttyq aza tutý jarııalady.
Úndistan Syrtqy ister mınıstrliginiń málimeti boıynsha, búgin búkil el boıynsha memlekettik tý jartylaı túsiriledi, al resmı oıyn-saýyq is-sharalary toqtatyldy.
Esterińizge sala keteıik, Qatardyń burynǵy ámiri jáne resmı «Ámir áke» ataǵy bar sheıh Hamad ben Halıfa Ál-Tanı 12 shilde kúni 74 jasynda qaıtys boldy.
Sheıh Hamad Qatardy 1995 jyldan 2013 jylǵa deıin basqardy. Onyń bıligi kezinde el aýqymdy ekonomıkalyq, áleýmettik jáne ınfraqurylymdyq jańǵyrýdan ótti, suıytylǵan tabıǵı gaz arqyly el álemdegi jetekshi óndirýshi men eksporttaýshyǵa aınaldy.
Soltústik gaz ken ornyn belsendi ıgerýdiń arqasynda Qatar suıytylǵan tabıǵı gaz eksporty boıynsha álemdik kóshbasshyǵa aınaldy jáne ekonomıkalyq yqpalyn aıtarlyqtaı arttyrdy.
Buǵan deıin Qasym-Jomart Toqaev Qatar ámirine ákesiniń qaıtys bolýyna baılanysty kóńil aıtý jedelhatyn joldaǵan bolatyn.
