Úndistanda túngi klýbtaǵy órtten 25 adam qaza tapty
ASTANA. KAZINFORM — Úndistannyń batysyndaǵy tanymal týrıstik aımaqta bolǵan qaıǵyly oqıǵanyń sebepterin tergeý barysynda atalǵan klýbtyń lıtsenzııasy bolmaǵany anyqtaldy, dep habarlaıdy .
Goadaǵy adam kóp jınalatyn túngi klýbta shyqqan órt saldarynan keminde 25 adam qaza tapty.
Jergilikti bıliktiń málimetinshe, órt senbiden jeksenbige qaraǵan túni tún ortasynan keıin Arpora aýylyndaǵy qonaqúı ishinde ornalasqan túngi klýbta tutanǵan. Bul jerde jıi keshter uıymdastyrylady.
Úndistan premer-mınıstri Narendra Modı X áleýmettik jelisindegi paraqshasynda kóńil aıtty.
The fire mishap in Arpora, Goa is deeply saddening. My thoughts are with all those who have lost their loved ones. May the injured recover at the earliest. Spoke to Goa CM Dr. Pramod Sawant Ji about the situation. The State Government is providing all possible assistance to those…
— Narendra Modi (@narendramodi) December 7, 2025
Goa shtatynyń basshysy Pramod Savant buǵan deıin X jelisinde bul kúndi «Goadaǵy barsha turǵyndar úshin óte aýyr kún» dep atady. Keıin ol «25 adam qaza taýyp, taǵy alty adam jaraqat alǵanyn» naqtylady.
Today is a very painful day for all of us in Goa. A major fire incident at Arpora has taken the lives of 23 people.
— Dr. Pramod Sawant (@DrPramodPSawant) December 6, 2025
I am deeply grieved and offer my heartfelt condolences to all the bereaved families in this hour of unimaginable loss.
I visited the incident site and have…
Sheneýniktiń aıtýynsha, qaza tapqandardyń qatarynda qonaqúı qyzmetkerleri men úsh-tórt týrıst bar, olar tútinge tunshyǵyp kóz jumǵan. Týrısterdiń arasynda shetel azamattary bolǵan-bolmaǵany naqtylanbady.
Ol bul jaǵdaıdy «týrıstik maýsym qyzǵan shaqtaǵy asa ókinishti oqıǵa» dep atap, klýbta órt qaýipsizdigi erejeleri óreskel buzylǵanyn málimdedi.
Shtat bıliginiń pikirinshe, bul qaıǵyly oqıǵa mekemeniń lıtsenzııasyz jumys istegeni saldarynan bolǵanyn jáne osyndaı salǵyrttyq órtke ákelip soqqan.
Jergilikti aýyldyq keńestiń ókili bılik organdary buǵan deıin klýbty úkimetten lıtsenzııasy bolmaǵany úshin buzý jóninde ókim shyǵarǵanyn, alaıda bul buıryqtyń oryndalmaǵanyn habarlady.
Aqparat agenttiginiń dereginshe, túngi klýb óte tar kóshede ornalasqandyqtan, órt sóndirý qyzmeti kólikterin shamamen 400 metr qashyqtyqta qoıýǵa májbúr bolǵan. Jergilikti bılik ókilderiniń aıtýynsha, bul órtti sóndirý jumystaryna aıtarlyqtaı kedergi keltirgen.
Jergilikti ákimshilik basshysy qaıǵyly oqıǵanyń naqty sebebin anyqtaý jáne «órt qaýipsizdigi erejeleri men qurylys normalarynyń saqtalǵan-saqtalmaǵanyn» tekserý úshin tergeý júrgizýge pármen bergenin aıtty.
— Kináliler zań aldynda jaýapkershilikke tartylady, kez kelgen salǵyrttyq qatań túrde jazalanady, — dedi ol.
Aıta ketelik Úndistan barlyq smartfonǵa memlekettik qosymsha ornatýdy mindettedi.