Úndistanda sýtegimen júretin alǵashqy jolaýshylar poıyzy jolǵa shyqty
ASTANA. KAZINFORM – Úndistan ekologııalyq taza kólik ınfraqurylymyn damytý baǵytynda taǵy bir mańyzdy qadam jasap, eldegi alǵashqy sýtek otynymen júretin jolaýshylar poıyzyn iske qosty, dep habarlaıdy Anadoly.
Úndistannyń Premer-mınıstri Narendra Modı sýtek otynyn paıdalanatyn alǵashqy jolaýshylar poıyzynyń jolǵa shyqqanyn resmı túrde bastady. Jańa poıyz eldiń soltústigindegi Harıana shtatyndaǵy Djınd pen Sonıpat aýdandary arasynda qatynaıdy.
– Úndistan ekologııalyq taza kólik júıesin damytý jolynda mańyzdy qadam jasady, – dep jazdy Narendra Modı iske qosý rásiminen keıin X áleýmettik jelisindegi paraqshasynda.
Úndistannyń Baspasóz jáne aqparat bıýrosynyń málimetinshe, joba sýtekti saqtaý, quıý jáne paıdalaný ınfraqurylymymen qatar, zamanaýı tartqysh tehnologııalardy biriktiredi.
Jańa poıyz 2 600 jolaýshyny tasymaldaýǵa eseptelgen. Osylaısha, ol eldegi ekologııalyq taza temirjol jobalarynyń eń irileriniń birine aınaldy.
Osyǵan deıin Qytaıda sýtegimen jumys isteıtin álemdegi alǵashqy ushqyshsyz ushaq synaqtan ótkeni týraly jazdyq.
