Úndistanda sý sporty túrlerinen Azııa birinshiligi ótedi

ASTANA. KAZINFORM — 28 qyrkúıek pen 11 qazan aralyǵynda Úndistannyń Ahmedabad qalasynda sý sporty túrlerinen Azııa chempıonaty ótedi.

Ulttyq olımpıadalyq komıtettiń málimetinshe, jarys aıasynda tórt sport túrinen júldeler sarapqa salynady. 

Júzý saıystary 28 qyrkúıek pen 1 qazan aralyǵynda ótedi. Osy kezeńde sýǵa sekirýden komandalar da óner kórsetedi.

Sý dobynan matchtar 4-11 qazan aralyǵynda uıymdastyrylady. Al, ártistik júzýden jarystar 4-7 qazan aralyǵynda ótedi dep josparlanyp otyr. 

Eske sala keteıik, buǵan deıin Almatyda zamanaýı sý sportynyń bazasynyń jobalyq-smetalyq qujattamasy ázirlengenin jazǵan edik.