Úndistanda shaǵyn avtobýs júk kóligimen soqtyǵysyp, 26 adam kóz jumdy
ASTANA. KAZINFORM — Úndistannyń Assam shtatynda shaǵyn avtobýs konteıner tasyǵan júk kóligimen soqtyǵysty. Jol apatynan 26 adam qaza tapty. Olardyń arasynda kolledj stýdentteri de bar, dep habarlaıdy Sınhýa.
Jol apaty Golaghat aýdanynda, Kazıranga ulttyq parkiniń mańynda bolǵan. Nagaon qalasyna qaraı bet alǵan shaǵyn avtobýs qarsy baǵytta kele jatqan júk kóligimen soqtyǵysqan.
Qatty soqqydan shaǵyn avtobýs qatty maıysyp, birneshe jolaýshy salon ishinde qysylyp qalǵan.
Aldyn ala málimet boıynsha, shaǵyn avtobýsta 35-ten astam adam bolǵan. Zardap shekkenderdiń keıbiriniń jaǵdaıy aýyr. Sondyqtan qaza tapqandar sany artýy múmkin.
Úndistan premer-mınıstri Narendra Modı qaıtys bolǵandardyń otbasylaryna kóńil aıtty.
