Úndistanda Pákistanǵa janashyrlyq bildirgen 81 adam ustaldy
ATYRAÝ. KAZINFORM – Úndistannyń Assam shtatynyń bas mınıstri Hımanta Bısva Sarma 1 maýsymda málimdeme jasap, Pákistanǵa «janashyrlyq bildirgeni» úshin shtatta 81 adamnyń ustalǵanyn habarlady.
Lianhe Zaobao basylymynyń jazýynsha, Sarma Úndistan bıliginiń áleýmettik jelidegi memleketke qarsy jazbalardy jiti qadaǵalap, tıisti sharalar qoldanyp jatqanyn málimdedi. Ol ustalǵandarǵa naqty qandaı aıyp taǵylǵanyn ashyp aıtqan joq. Alaıda jergilikti polıtsııanyń jýrnalısterge bergen aqparatyna sáıkes, olardyń biri Instagram paraqshasyna Pákistannyń memlekettik týyn shyǵarǵany úshin qamaýǵa alynǵan.
Úndistan bıligi bıyl 22 sáýirde óz baqylaýyndaǵy Kashmır aımaǵynda týrısterge shabýyl jasalǵannan keıin áleýmettik jelige baqylaýdy kúsheıte bastady. Resmı Delıdiń málimdeýinshe, shabýyldy uıymdastyrǵan qarýly topqa Pákistan tarapynan qoldaý kórsetilgen, biraq Islamabad bul aıyptaýdy joqqa shyǵaryp otyr.
Úndi BAQ-tarynyń habarlaýynsha, ótken birneshe aptada bılik Pákistan múddesi úshin tyńshylyq jasady degen kúdikpen onnan astam adamdy ustaǵan. Olardyń arasynda bir tanymal ıýtýber de bar.
Buǵan deıin Úndistanda nóser jaýynnan 45 adam qaza tapqanyn jazǵan edik.