Úndistanda ólimge ákeletin Nıpah vırýsy órship tur

ASTANA. KAZINFORM — Úndistannyń Kalkýtta qalasyna jaqyn jerde vaktsınasy men emi joq ólimge ákeletin Nıpah vırýsynyń órshýi anyqtaldy, dep habarlaıdy Report.

Batys Bengalııa shtatynda vırýstyń 5 jaǵdaıy anyqtaldy, onyń úsheýi osy aptada tirkeldi. Zardap shekkenderdiń arasynda dáriger, medbıke jáne medıtsınalyq mekemeniń bir qyzmetkeri bar.

Kalkýta mańyndaǵy jeke aýrýhanada jumys isteıtin taǵy eki medbıke vırýsty jańa jyldan keıin juqtyryp alǵan. Ekeýiniń de qyzýy kóterilip, tynys alý joldary buzylǵan. Aýrý juqtyrǵan áıelderdiń biri komaǵa túsken. Ol testileý júrgizilmeı turyp qaıtys bolǵan naýqasty emdeý kezinde vırýs juqtyrǵan bolýy múmkin degen boljam bar.

Byltyr jeltoqsan aıynda Ulybrıtanııada qaýipti vırýstyń jańa shtamy tabyldy. Infektsııa Azııadan oralǵan adamnan anyqtalǵan.