Úndistanda nóser jaýynnan 45 adam qaza tapty
NЬıÝ-DELI. KAZINFORM – Úndistannyń soltústigindegi Ýttar-Pradesh shtatynyń 13 okrýginde daýyldan, burshaqty jaýynnan jáne naızaǵaıdan keminde 45 adam qaza tapty, dep jazady TASS agenttigi.
Jaýyn-shashyn aýyldyq eldi mekender men aýyl sharýashylyǵy ınfraqurylymyna aıtarlyqtaı zalal keltirgen. Ýttar-Pradesh bıligi zardap shekkenderge materıaldyq kómek kórsetiletinin málimdedi.
Úndistannyń meteorologııa bıýrosynyń málimetinshe, apta sońyna deıin eldiń soltústigi men basqa da óńirlerinde qatty jaýyn-shashyn saqtalady. Batystaǵy Maharashtra shtatynyń birqatar okrýginde qatty jaýyn men saǵatyna 60 shaqyrymǵa deıin jetetin jelge baılanysty «qyzyl» jáne «qyzǵylt sary» deńgeıdegi eskertý jarııalandy.
Aıta keteıik, sáýir aıynda Úndistan men Nepalda nóser jaýynnan 90-nan astam adam qaza tapqanyn jazǵan edik.