Úndistanda kúshti mýssondyq jaýyn-shashyn saldarynan 298 adam qaza tapty

ASTANA. KAZINFORM — Úndistannyń Hımachal-Pradesh shtatynda bolǵan kúshti mýssondyq jaýyn-shashyn saldarynan kóz jumǵandar sany 298 adamǵa jetti, dep habarlaıdy Anadoly.

Hindustan Times basylymynyń habarlaýynsha, maýsymnan qyrkúıekke deıin jalǵasatyn Ońtústik Azııadaǵy mýsson maýsymy adam shyǵyny men materıaldyq zalal ákelýdi jalǵastyryp jatyr.

Bılik ókilderi málim etkendeı, 20 maýsymnan beri bolyp jatqan sý tasqyny, kóshkinder men jol-kólik oqıǵalary saldarynan 300-ge jýyq adam qaıtys bolǵan.

Sondaı-aq jaýyn-shashyn aımaqtyń ınfraqurylymyna da aıtarlyqtaı zııan keltirdi:

• 482 jol jabyldy,

• 941 transformator isten shyqty,

• 95 sý qubyry jelisinde aqaýlar tirkeldi.

Andhra-Pradeshte mýsson almaz izdeýshilerdi oıatty

Sonymen qatar, Úndistannyń ońtústik-shyǵysyndaǵy Andhra-Pradesh shtatynda jaýynnan keıin erekshe qubylys baıqaldy.

Jergilikti turǵyndar men kelýshiler buryn almazdar tabylǵan aımaqtarǵa jappaı baryp, jańbyrdan keıin jer betine shyqqan asyl tastardy izdeı bastady.

Mundaı «qazyna izdeý» áreketi aımaqta mýsson maýsymynyń dástúrine aınalǵan.

Osyǵan deıin Pákistandaǵy mýsson jaýynynan qaza tapqandar sany 299 adamǵa jetkenin jazǵanbyz.