Úndistanda qonaqúıdegi órtten 14 adam qaza tapty

ASTANA. KAZINFORM – Úndistannyń shyǵysyndaǵy Batys Bengalııa shtatyndaǵy Rıtýraj qonaqúıindegi qonaqúıde bolǵan órtten kem degende 14 adam, onyń ishinde eki bala qaza tapty, dep habarlaıdy Kazinform VVS-ge silteme jasap.

Sondaı-aq seısenbige qaraǵan túni Kalkýttada qalasynda bolǵan órtten eki adam aýyr jaraqat aldy. Tilsiz jaý tolyǵymen aýyzdyqtaldy, biraq qutqarý jumystary áli de jalǵasyp jatyr. Órttiń shyǵý sebebi belgisiz. Polıtseıler oqıǵanyń mán-jaıyn anyqtaý úshin arnaıy tergeý tobyn qurdy. 

Qonaqúı qonaqtary ǵımarattyń tóbesine júgirip shyǵyp, kómekke belgi berý úshin telefondaryndaǵy shamdardy paıdalanǵan. Beınejazbada adamdardyń órtten qutylý úshin qonaqúı bólmeleriniń syrtqy jaǵyndaǵy baǵandarǵa shyǵyp jatqanyn kórýge bolady. 

– Órt sóndirýshiler qutqarý jumystaryna gıdravlıkalyq baspaldaqtardy paıdalanýda, dep jazady Indian Express.

Polıtsııanyń málimetinshe, qurban bolǵandardyń kópshiligi – qonaqúıdegi demalýshylar. Olar órt kezinde bólmelerinen qashyp shyǵa almaı qalǵan. 

Eske sala keteıik, buǵan deıin Qytaıdyń Lıaoıan qalasyndaǵy órtten 22 adam qaza bolǵanyn jazǵan edik.