Úndistanda kómir shahtasyndaǵy jarylystan 15 kenshi qaza tapty

ASTANA. KAZINFORM — Úndistannyń soltústik-shyǵysyndaǵy Meghalaıa shtatynda kómir shahtasynda bolǵan jarylys saldarynan keminde 15 adam qaza taýyp, birnesheýi jaraqat aldy. Bul aqparatty beısenbi kúni resmı derekkózder rastady, dep habarlaıdy Sınhýa.

Jergilikti BAQ málimetinshe, qaza tapqandardyń barlyǵy — Shyǵys Djaıntııa jotalary okrýgindegi aýyldardyń birinde ornalasqan kómir shahtasynda jumys istegen kenshiler.

— Qazirgi ýaqytta 15 adamnyń máıiti tabyldy. Jarylystan keıin shahta ishinde qalyp qoıǵandardy izdeý-qutqarý jumystary jalǵasyp jatyr. Jaraqat alǵan birneshe adam jergilikti aýrýhanaǵa jetkizildi, — delingen resmı habarlamada.

Jergilikti aqparat quraldarynyń deregine sáıkes, atalǵan kómir shahtasy zańsyz jumys istegen. Oqıǵaǵa qatysty tergeý jalǵasyp jatyr.

Budan buryn Pákistannyń soltústik-batysyndaǵy Haıber-Pahtýnhva provıntsııasynyń Haıber aýdanynda qaýipsizdik kúshteriniń kóligi jarylyp, úsh qaýipsizdik qyzmetkeri mert bolǵanyn jazǵanbyz.