Úndistanda qazaq kúresinen álem chempıonaty ótkeli jatyr

ASTANA. KAZINFORM – 25 aqpan kúni Úndistada qazaq kúresinen eresekter arasyndaǵy Álem chempıonaty bastalady. Bul týraly Qazaq kuresi assotsıatsııasy habarlady.

Delı qalasynda ótetin dúbirli dodaǵa qatysý úshin álemniń 20-ǵa jýyq memleketinen 200-ge tarta balýan ótinish bergen. Olardyń arasynda Ázerbaıjan, Argentına, Brazılııa, Estonııa, Grýzııa, Nıderlandııa, Iran, Italııa, Japonııa, Qazaqstan, Qyrǵyzstan, Moldova, Meksıka, Polsha, Mońǵolııa, Serbııa, Tájikstan jáne Ózbekstan memleketteriniń sportshylary bar.

Eki kúnge sozylatyn baıraqty básekede qatysýshylar 16 salmaq dárejesinde baq synaıdy.

Ekijyldyqtyń basty dodasynda el namysyn qorǵaıtyn ulttyq qurama komandasynyń sapynda Bekjan Tólepov, Jumajan Qojambekov, Muzapparov Ersultan, Nurdáýlet Jarylǵapov, ⁠ Sarıpova Zarına, Nurmahammetova Raýza jáne Nysantaıqyzy Roza syndy úzdikter bar.

Buǵan deıin elordada qazaq kúresinen «Dala qyrandary» týrnıri jeńimpazdary anyqtalǵanyn jazǵanbyz.