20:55, 01 Jeltoqsan 2024 | GMT +5
Úndistanda «Fengal» daýylynan úsh adam qaza tapty
ASTANA. KAZINFORM — «Fengal» daýylynan keıin Úndistanda birneshe shtatta sý tasqyny boldy. Ásirese Tamılnad shtaty zardap shekti. Bul týraly «Report» basylymy habarlady.

Chennaı qalasynda sý tasqyny saldarynan kem degende úsh adam tok soǵýdan qaza tapty.
- Shtattyń basqa qalasynda Vıllýpýramda bir túnde 1 400 adam evakýatsııalandy, - dedi aýdan kollektory.
Tabıǵı apattan zardap shekken basqa turǵyndardy kóshirý sharalary júrgizilip jatyr.
Aıta keteıik, «Fengal» daýyldy tsıklony keshe túnde Úndistannyń ońtústik-shyǵys jaǵalaýyna jetip, birqatar qala men oblysty sý basty.
Eske salsaq, buǵan deıin Atlant muhıtyndaǵy rekordtyq daýyl maýsymy aıaqtalyp jatqanyn jazǵan edik.