Úndistanda eki avtobýstyń soqtyǵysýynan 6 adam qaza tapty
ASTANA. KAZINFORM — Úndistannyń ońtústigindegi Tamılnad shtatynda dúısenbi kúni eki jekemenshik avtobýstyń betpe-bet soqtyǵysýy saldarynan keminde alty adam qaza taýyp, 50-den astam adam jaraqat aldy, dep habarlady jergilikti polıtsııa. Bul týraly Sınhýa agenttigi jazdy.
Jol-kólik oqıǵasy Tamılnad shtatynyń astanasy Chennaı qalasynan shamamen 550 shaqyrym ońtústik-batysqa qaraı ornalasqan Tenkası okrýgindegi bir aýylda bolǵan.
Apattan keıin jergilikti bılik aýqymdy qutqarý operatsııasyn júrgizip, jaraqat alǵandardy jaqyn mańdaǵy aýrýhanalarǵa jetkizdi.
Polıtsııanyń málimetinshe, keıbir zardap shekkenderdiń jaǵdaıy aýyr bolǵandyqtan, qaza tapqandar sany artýy múmkin.
Eske sala ketsek, Shyǵys Qazaqstan oblysynda jeńil kólik pen júk kóligi soqtyǵysyp, 3 adam qaza tapty.
Al Meksıkada týrıstik avtobýs apatqa ushyrap, keminde 7 adam ajal qushty.