Úndistanda depýtattyqqa kandıdat kedeılerge ishimdik taratýǵa ýáde berdi
ÚNDІSTAN. KAZINFORM – Úndistannyń Chımýr aýylynan depýtattyqqa táýelsiz kandıdat retinde tirkelgen Vanıta Raýttyń halyqqa jasaǵan úndeýi kópshilikti eleń etkizdi. Ol saılaýda jeńiske jetse, tabysy tómen adamdarǵa jeńildikpen vıskı men syra úlestirýge ýáde berdi.
Raýt kedeılerge jumys aýyr tıetinin, olardy ishimdik jubatatynyn alǵa tartyp otyr. Onyń aıtýynsha, kedeı adamdar jalaqynyń azdyǵynan sapaly vıskı men syra ala almaı, aýyldaǵy alkogoldi sýsyndarmen ǵana shekteledi. Bul rette, úmitker kedeılerdiń ımporttyq sýsynnyń dámin tatqanyn qalaıdy.
Ol bul ýádesi arqyly ózine nazar aýdartqysy keldi me, álde kóp daýys jınaǵysy keldi me? Bul jaǵy belgisiz. Bir anyǵy, turǵyndardyń kóbine kandıdattyń sózi maıdaı jaqqan. Olar ımporttyq sýsynnyń dámin tatýǵa asyǵyp otyrǵan kórinedi.
