Úndistanda dárigerler bosaný kezinde náresteniń qolyn julyp alǵan

ASTANA. KAZINFORM – Úndistannyń quqyq qorǵaý organdary 30 shildede Harıana shtatynyń Mandıhera qalasyndaǵy aýrýhanada bolǵan oqıǵaǵa baılanysty tergeý bastady. Onda dárigerdiń qateliginen jańa týǵan sábıdiń qoly julynyp ketken. Bul týraly The Times of India basylymy habarlady, dep jazady Report.az.

Basylymnyń málimetinshe, bosaný kezinde medıtsınalyq personaldyń shamadan tys dóreki áreketinen náresteniń bir qoly tolyqtaı julynyp ketken. Sábı aman qalǵan jáne kórshiles qaladaǵy basqa klınıkaǵa aýystyrylǵan.

Atalǵan oqıǵaǵa baılanysty arnaıy komıssııa qurylyp, aýrýhanada bekitilgen medıtsınalyq kómek kórsetý standarttary men Úndistan Konstıtýtsııasynda kepildik berilgen ómir súrý jáne densaýlyq quqyǵynyń buzylǵany anyqtaldy.

– Budan bólek, komıssııa balanyń qolynyń ne sebepti julynǵanyna baılanysty naqty túsinikteme men nárestege jasalǵan em-dom jáne ońaltý sharalary týraly málimet berýdi talap etti, - delingen habarda.

Aıta keteıik, buǵan deıin Úndistan turǵynynan buryn-sońdy kezdespegen jańa qan toby tabylǵanyn jazdyq.