Úndistanda avtomobıl jarylysy saldarynan keminde 8 adam qaza boldy
ASTANA. KAZINFORM — Dúısenbi kúni keshke Nıý-Delı qalasynda bolǵan avtomobıl jarylysy saldarynan keminde segiz adam qaza taýyp, birneshe adam aýyr jaraqat alyp, jergilikti aýrýhanaǵa jetkizildi dep habarlady Sınhýa Aaj Tak telearnasyna silteme jasap.
Oqıǵa resmı túrde rastalmady. Jarylystyń sebebi belgisiz.
Jarylys Úndistan astanasyndaǵy tarıhı «Qyzyl qamal» janynda turaqta turǵan avtokólikte boldy.
Telearna habarlaýynsha, bul oqıǵa saldarynan keminde on adam aýyr jaraqat aldy.
Jarylys bolǵan jer saýda-sattyq damyǵan, adam kóp júretin aýdan sanalady. Sondaı-aq qaıǵyly oqıǵa ornynyń qasynda metro stantsııasy da bar.
Úndistan astanasynda jarylystan keıin dabyl jarııalandy. Qazirgi ýaqytta oqıǵanyń sebebin anyqtaý boıynsha sharalar qolǵa alynǵan.
Budan buryn Úndistanda ǵıbadathana mańyndaǵy keptelisten 9 adam kóz jumǵanyn habarlaǵan edik.