Úndistanda 14 adam mingen kólik kanalǵa qulap ketti

ASTANA. KAZINFORM — Úndistannyń soltústigindegi Ýttar-Pradesh shtatynda jolaýshylar mingen kólik Sarııa kanalyna qulady, dep habarlaıdy NDTV.

Apat saldarynan 11 adam qaza taýyp, taǵy birneshe adam jaraqat aldy.

— Kólikte keminde 14 adam bolǵan. Jolaýshylar sýǵa batyp bara jatqan kólikti baıqap, dereý jergilikti polıtsııa bólimine habarlasqan. Tártip saqshylary máıitterdi alyp shyqqannan keıin qaza tapqandar arasynda balalardyń da bar ekeni anyqtaldy, — delingen habarlamada.

Úndistan Syrtqy ister mınıstrliginiń baspasóz hatshysy Randhır Djaısval tórt adamnyń qutqarylǵanyn aıtty. Zardap shekkender jeńil jaraqatpen aýdandyq aýrýhanaǵa jetkizildi.
Ýttar-Pradesh shtatynyń bas mınıstri Egı Adıtıanath oqıǵaǵa baılanysty kóńil aıtty.

Ol marqumdardyń árqaısysynyń otbasyna 500 000 rýpıı (shamamen 5 800 dollar) kóleminde bir rettik ótemaqy beriletinin aıtty.

Eske sala keteıik, Úndistannyń shyǵysynda naızaǵaı soǵýynan 33 adam qaza tapty.