Úndistanda 10-nan astam adamdy poıyz qaǵyp, qaza tapty

ASTANA. KAZINFORM — Órt shyqty degen kúdikpen vagondarynan sekirgen jolaýshylardy basqa poıyz qaǵyp ketti, dep jazady India Today.

Maharashtra shtatynyń Djalgaon aýdanyndaǵy qaıǵyly oqıǵa 13 adamnyń ómirin qıdy.

Pushpak Express jolaýshylary kúdikti órt kezinde vagondarynan sekirip ketken.

Kýágerdiń aıtýynsha, dúrbeleńdi shaı satýshy týdyrǵan. Ol órt shyqty dep jalǵan málimdep, apatty toqtatý tetigin basqan. Shoshyǵan jolaýshylar vagonnan sekirip ketken.

Oqıǵa kezinde zardap shekken 15 adamnyń 10-y qazir emdelip jatyr, al jeńil jaraqat alǵan qalǵandary úılerine shyǵaryldy.

Buǵan deıin Úndistanda jaǵalaý kúzetiniń tikushaǵy apatqa ushyrap, úsh adam qaza tapqany habarlandy.