Úndistan Jer orbıtasyna ekıpajy bar ǵarysh kemesin ushyrmaqshy
ASTANA. KAZINFORM - Úndistannyń ǵaryshty zertteý uıymy (ISRO) 20025 jyly Jer orbıtasyna bortynda ekıpajy bar alǵashqy kemesin ushyrýdy josparlap otyr. Al, 2035 jyly eldiń óz orbıtalyq stantsııasy bolmaq. Bul týraly Kazinform TASS agenttigine silteme jasap habarlaıdy.
Hindu gazeti ISRO basshysy Shrıdhar Panıker Somnathtyń oǵan Adi Sankara Trust qory ilki zertteýlerdi ilgeriletkeni úshin arnaıy syılyq tabystaýy kezinde aıtqan myna sózin keltiredi: «Gaganıan» — ǵaryshqa basqarylatyn ushýdyń eldegi alǵashqy baǵdarlamasy. Ol 2025 jyldyń sońyna qaraı júzege asady. Al 2035 jylǵa qaraı elimizdiń óz ǵarysh stantsııasy bolady. ISRO qazirgi kezde Aıdan topyraq úlgilerin alý úshin «Chandraıan-4» avtomattyq stantsııasyn jasaý jumystarymen aınalysyp jatyr».
Bul kúni búgin paıda bolǵan bastama emes. 2018 jyly eldiń premer-mınıstri Narendra Modı resmı túrde Úndistan 2022 jyldyń tamyzynda, Brıtanııa bodandyǵynan azattyq alýdyń 75 jyldyǵyna oraı, alǵashqy ulttyq ekıpajyn ǵaryshqa attandyratynyn málimdegen bolatyn.
Baǵdarlama ataýy — «Gaganıan» «aspan kemesi» degen maǵyna beredi. Bul bastama koronavırýs pandemııasyna baılanysty 2020 jyly naýryzda toqtatylǵan bolatyn. 4 úndistandyq ǵaryshker Reseıde arnaıy daıyndyqtan ótip te úlgergen.
