Úndistan jańa býyn jerserigin ǵaryshqa ushyrdy

ASTANA. KAZINFORM — Úndistan ǵaryshtyq zertteýler uıymy (ISRO) salmaǵy eki tonnadan asatyn NVS-03 kelesi býyn navıgatsııalyq jerserigin sátti ushyrdy. Bul týraly TASS jazdy.

Indııa zapýstıla novyı spýtnık ı ýkrepıla sobstvennýıý alternatıvý GPS
Foto: isro.gov.in

— GSLV-F18 zymyran tasyǵyshy NVS-03 navıgatsııalyq jerserigin belgilengen ellıptıkalyq orbıtaǵa sátti jáne dál shyǵardy, — dedi ISRO bas dırektory Vannııaperýmal Naraıanan Andhra-Pradesh shtatynyn Shrıharıkota aralynda ornalasqan Satısh Dhavan atyndaǵy ǵarysh ortalyǵynda.

ISRO basshysynyń aıtýynsha, osy sátti starttyń arqasynda Úndistannyń NavIC aımaqtyq navıgatsııalyq jerserik júıesi qalypty jumys isteýi úshin qajet spýtnıkter sany tolyqtyryldy.

— NavIC — Úndistanǵa pozıtsııalaý, navıgatsııa jáne dál ýaqyt qyzmetterin derbes paıdalanýdy qamtamasyz etetin strategııalyq ulttyq resýrs, — dep atap ótti Naraıanan.

ISRO málimetteri boıynsha, NavIC spýtnıktik navıgatsııalyq júıesi Úndistan ishinde jáne onyń shekarasynan tys 1500 km-ge sozylyp jatqan aýmaqtarǵa meken, navıgatsııa jáne ýaqyt qyzmetterin usynýǵa arnalǵan. Bul joba Amerıkanyń GPS júıesine balama bolatyny aıtylyp otyr.

Buǵan deıin Qytaı Jerdi baqylaý úshin jańa spýtnıkterdi ushyrǵanyn habarlaǵan edik.