Úndistan zaýytyndaǵy jarylys saldarynan 17 adam mert boldy
ASTANA. KAZINFORM – Jarylys Nagpýr qalasyndaǵy jarylǵysh zattar óndiretin zaýytta boldy.
Anadolu agenttiginiń málimetine qaraǵanda, Úndistannyń Maharashtra shtatyndaǵy jarylǵysh zattar óndiretin zaýytta bolǵan jarylys saldarynan 17 adam qaza taýyp, taǵy 18 adam jaralandy.
Bul týraly Maharashtra shtatynyń bas mınıstri Devendra Fadnavıs jeksenbi, 1 naýryz kúni amerıkalyq X kompanııasynyń áleýmettik jelisinde habarlady.
Onyń aıtýynsha, jarylys Nagpýr qalasyndaǵy jarylǵysh zattar óndiretin zaýytta bolǵan.
Sondaı-aq mınıstr qutqarý jumystary jalǵasyp jatqanyn jáne oqıǵaǵa baılanysty jan-jaqty tergeý bastalǵanyn atap ótti.
Jarylystyń sebebi ázirge habarlanǵan joq.
Budan buryn habarlanǵandaı, aqpan aıynnyń basynda Úndistanda kómir shahtasyndaǵy jarylystan 15 kenshi qaza tapty.
Arýjan Jánádil