Úndistan turǵynynan buryn-sońdy kezdespegen jańa qan toby tabyldy

ASTANA. KAZINFORM — Erekshe qan toby Úndistan turǵynynan tabyldy. Bul top ǵylymı túrde «CRIB» dep atalady, dep jazdy AZÁRTADJ.

AZÁRTADJ sheteldik BAQ-tarǵa silteme jasap habarlaǵandaı, Úndistannyń ońtústigindegi 38 jastaǵy áıel 2025 jyldyń aqpanynda Kolar qalasyndaǵy aýrýhanaǵa júrekke ota jasatý úshin túsken. Hırýrgtar ota kezinde quıýǵa arnalǵan qan daıyndaýdy suraǵan, alaıda qan qoryndaǵy eshbir úlgi sáıkes kelmegen.

Áıeldiń qany ımmýnogematologııa zerthanasyna jiberildi. Zertteýler onyń barlyq synaqtarda qoldanylǵan qan úlgilerimen sáıkes kelmeıtinin kórsetti. Dárigerler áıeldiń 20 týysynyń, sonyń ishinde balalarynyń da qanyn zerttedi, biraq sáıkestik tabylmady.

Ota sátti ótti, jáne qan quıý qajet bolmady. Degenmen, mamandar onyń qanyn zertteýdi jalǵastyryp, buryn esh jerde sıpattalmaǵan antıgen tasymaldaýshy ekenin anyqtady. Bul antıgen Cromer qan toby júıesine jatady, onyń antıgenderi 1-shi hromosomada ornalasqan. The Hindu basylymynyń habarlaýynsha, bul antıgen alǵash ret osy áıelden tabylyp otyr.

Buǵan deıin de erekshe qan toby Karıb teńizindegi Gvadelýpa aralynyń turǵynynan tabylǵan bolatyn. Ol jańa qan tobyna «Gvada teris» degen ataý berildi. Áıel bul qandy mýtantty antıgenderi bar ata-anasynan tuqym qýalaı alǵan.

Aıta keteıik, Qazaqstanda donorlarǵa tólenetin aqshany 5 ese kóterý usynylǵan bolatyn.