Úndistan salmaǵy 2 tonnadan asatyn navıgatsııalyq jerserikti orbıtaǵa shyǵardy
ASTANA. KAZINFORM — Úndistannyń ǵaryshtyq zertteýler uıymy (ISRO) salmaǵy 2 tonnadan asatyn jańa býyn NVS-03 navıgatsııalyq jerserigin orbıtaǵa sátti shyǵardy. Bul týraly ISRO basshysy Vannııaperýmaly Naraıanan málimdemegen, dep habarlaıdy BelTA.
— GSLV-F18 zymyran tasyǵyshy NVS-03 navıgatsııalyq jerserigin belgilengen ellıpstik orbıtaǵa joǵary dáldikpen sátti jetkizdi, — dedi Vannııaperýmaly Naraıanan.
ISRO basshysynyń aıtýynsha, jerseriktiń sátti ushyrylýynyń arqasynda Úndistannyń NavIC aımaqtyq navıgatsııalyq júıesi tolyqqandy jumys isteýge qajetti jerserik sanymen qamtamasyz etildi.
— NavIC — Úndistandaǵy jerdi anyqtaý, navıgatsııa jáne ýaqytty dál esepteý qyzmetterin táýelsiz paıdalanýǵa múmkindik beretin strategııalyq ulttyq resýrs, — dep atap ótti Naraıanan.
ISRO málimetinshe, NavIC navıgatsııalyq júıesi Úndistan aýmaǵynda jáne el shekarasynan tys 1,5 myń shaqyrymǵa deıingi aımaqta ornalasqan jerdi anyqtaý, navıgatsııa jáne ýaqytty esepteý qyzmetterin usynýǵa arnalǵan.
Bul júıe — amerıkalyq GPS navıgatsııalyq júıesiniń Úndistandaǵy balamasy.
Aıta keteıik, Qazaqstan 2029 jyly «KazSat-3» spýtnıgin almastyratyn jerserikti ǵaryshqa ushyrady.
