Úndistan premer-mınıstri Narendra Modı Eýropa týrnesin bastady
ASTANA. KAZINFORM – Úndistan premer-mınıstri Narendra Modı Nıderlandyǵa resmı saparyn bastady, dep habarlaıdy Kazinform agenttiginiń Eýropalyq odaqtaǵy menshikti tilshisi.
Sapar bıyl dıplomatııalyq qatynas ornatylǵanyna 79 jyl tolyp otyrǵan eki el arasyndaǵy baılanystardyń nyǵaıýy aıasynda ótip jatyr.
Gaagada úndi premeri Nıderland premer-mınıstri Rob Iettenmen kelissóz júrgizdi. Taraptar jartylaı ótkizgishter, joǵary tehnologııalar, jańartylatyn energetıka, sý sharýashylyǵy, aýyl sharýashylyǵy jáne qorǵanys salalaryndaǵy yntymaqtastyqty talqylady.
Sapar aıasynda Narendra Modıdiń korol Vıllem-Aleksandr jáne patshaıym Maksımamen kezdesýi ótti. Úndistan úkimetiniń basshysy eki halyqtyń tarıhı jáne mádenı jaqyndyǵyn atap ótip, memleketter arasyndaǵy seriktestiktiń odan ári damı túsetinine senim bildirdi.
Sapar barysynda Nıderlandydaǵy úndi dıasporasynyń ókilderimen kezdesýge de erekshe nazar aýdaryldy. Bul – qurlyqtyq Eýropadaǵy eń iri úndi qaýymdarynyń biri. Otandastary aldynda sóılegen Modı dıasporany Úndistan men Eýropa arasyndaǵy «tiri kópir» dep atady.
Sapar 17 mamyrǵa deıin jalǵasady dep kútilip otyr. Odan keıin Narendra Modı Eýropa týrnesin jalǵastyryp, Shvetsııa, Norvegııa jáne Italııaǵa barady.
Eske sala ketsek, Úndistan premer-mınıstri energetıkalyq daǵdarysqa baılanysty el turǵyndaryna qashyqtan jumys isteýge qaıta oralýdy jáne shyǵyndardy qaıta qaraýdy usynǵan edi.
