Úndistan polıtsııasy Kashmırdegi shabýylǵa kúdiktini anyqtady
ASTANA.KAZINFORM - Djammý men Kashmır polıtsııasy Pahalgamda shabýyl jasaǵandardyń aty-jónin áshkerelep, olar týraly aqparat bergenderge syılyq jarııalady, dep habarlaıdy Hindustan Times.
Djammý jáne Kashmır polıtsııasy beısenbi kúni Pahalgamdaǵy 22 sáýirdegi shabýylǵa qatysy bar lańkesterdiń sýreti men esimderin jarııalady.
Jasyrynǵan lańkesterdiń qaıda ekeni týraly aqparat úshin 2 mıllıon rýpıı (shamamen 23 440 dollar) syıaqy usynyldy.
Úndistan premer-mınıstri Narendra Modı Pahalgamdaǵy qandy shabýylǵa kinálilerge qarsy qatań shara qoldanýǵa ýáde berip, Úndistan «terrorshylardy jerdiń shetine deıin qýady» dedi.
Buǵan deıin Úndistan basqaratyn Kashmırdegi tanymal týrıstik ortalyqta 26 adamdy qarýly top óltirgennen keıin Úndistan Pákistanǵa qarsy sharalar jarııalaǵan bolatyn.