Úndistan Pákistandaǵy shabýyl lańkestik áreketterdiń aldyn alý nıetimen jasalǵanyn túsindirdi

ASTANA. KAZINFORM – Úndistan Syrtqy ister mınıstriniń birinshi orynbasary Vıkram Mısrı habarlaǵandaı, Úndistan Pákistannan josparlanǵan jańa lańkestik áreketteri týraly aqparatqa ıe boldy jáne «Sındýr» operatsııasyn júrgizý arqyly olardyń aldyn alý quqyǵyn paıdalandy, dep habarlaıdy TASS aqparat agenttigi. 

Úndistan SІM sondaı-aq Pákistannyń óz aýmaǵyndaǵy lańkestik ınfraqurylymmen kúresý úshin eshqandaı shara qoldanbaǵanyn jáne sodyrlardyń jumaǵyna aınalǵanyn málimdedi. Úndistannyń Pákistannan josparlanyp otyrǵan jańa lańkestik áreketter týraly barlaý derekteri de bolǵan. 

Mısrıdiń málimdeýinshe, Úndistan 22 sáýirde Pahalgamdaǵy lańkestik áreketti oryndaýshylar men uıymdastyrýshylardyń jaýapqa tartylýyn qajet dep sanaıdy.

— Lańkestik áreketten beri eki apta ótkenine qaramastan, Pákistan óz aýmaǵynda nemese baqylaýyndaǵy aýmaqta lańkestik ınfraqurylymmen kúresý úshin eshqandaı aıqyn qadamdar jasaǵan joq. Kerisinshe, olardyń bar jasaǵany — joqqa shyǵarý jáne kinálaý, — dedi ol.

Úndilik dıplomattyń aıtýynsha, «Pákistan halyqaralyq izdeýde júrgen lańkester jazasyz júrgenin paıdalanyp otyrǵan, álemniń túkpir-túkpirinen kelgen lańkesterdiń baspanasy retinde laıyqty bedelge ıe».

Eske sala ketsek, Úndistan Kashmırdegi Pákistan baqylaýyndaǵy aımaqtarǵa soqqy jasaǵanyn málimdedi. 

Pákistannyń Úndistandaǵy nysandarǵa keri soqqysynan eki adam opat boldy.