Úndistan men Pákistan shekarasynda taǵy da atys boldy
ASTANA. KAZINFORM – Atys Úndistan men Pákistan arasyndaǵy baqylaý syzyǵynda, Djammý men Kashmır aımaǵynda boldy. Bul týraly PTI agenttigi habarlady, dep jazady Report.
– Sáýirdiń 28-inen 29-yna qaraǵan túnde Pákistan áskeri Úndistannyń Kýpvara men Baramýla aýdandary shekarasyna qarama-qarsy aýmaqta baqylaý syzyǵy arqyly sebepsiz oq atty, – delingen Úndistan armııasynyń málimdemesinde.
Oǵan «úndistandyq áskerı qyzmetkerler jedel ári tıimdi jaýap qatqan». Jaraqat alǵandar týraly aqparat joq.
Djammý men Kashmırdegi teraktte 26 adam qaza tapqan oqıǵadan keıin Nıý-Delı men Islamabad arasyndaǵy shıelenistiń kúsheıýi aıasynda Úndistan men Pákistan shekarasyndaǵy atysty toqtatý rejımi besinshi tún qatarynan buzyldy.
Buǵan deıin Pákistan áskerıleri senbiden jeksenbige qaraǵan túni Úndistannyń Djammý jáne Kashmır odaqtyq aýmaǵyndaǵy baqylaý syzyǵynda oq jaýdyrǵanyn jazdyq.
Pákistannyń qorǵanys mınıstri Havadja Asıf aldaǵy 2-4 kún ishinde Úndistanmen soǵys bastalý qaýpi bar ekenin málimdedi.