Úndistan Qytaı azamattaryna týrıstik vıza berýdi qaıta bastaıdy
ASTANA. KAZINFORM — Úndistan 2024 jylǵy 24 shildeden bastap Qytaı azamattaryna týrıstik vızalar berýdi qaıta jandandyrady, dep habarlaıdy NDTV.
2020 jyly Úndistan COVID-19 pandemııasyna baılanysty barlyq týrıstik vızany berýdi ýaqytsha toqtatqan bolatyn.
Úndistannyń Beıjińdegi elshiliginiń habarlaýynsha, Qytaı azamattary týrıstik vıza alý úshin onlaın ótinim toltyryp, qabyldaýǵa jazylyp, tólqujat pen qajetti qujattardy Úndistannyń Beıjiń, Shanhaı jáne Gýanchjoý qalalaryndaǵy vızalyq ortalyqtarǵa jeke tapsyrýy tıis.
COVID-19 pandemııasy jáne 2020 jyly Galvan ózenindegi qaqtyǵystardan keıin Úndistan men Qytaı arasyndaǵy qatynastar aıtarlyqtaı shektelgen. Qytaı birtindep Úndistan azamattaryna, ásirese stýdentter men kásipkerlerge vıza berýdi qaıta bastaǵanymen, týrıstik saparǵa shekteý saqtalyp keldi.
2023 jyldyń qazan aıynda Úndistan premer-mınıstri Narendra Modı men QHR tóraǵasy Sı Tszınpın Qazanda kezdesý ótkizip, ekijaqty qarym-qatynasty jaqsartýǵa baǵyttalǵan birqatar sheshim qabyldaǵan edi.
NDTV málimetinshe, bıylǵy jyldyń basynda qos el qarym-qatynasty qalpyna keltirý joldaryn talqylap, gýmanıtarlyq baılanystardy keńeıtý boıynsha sharalar qabyldaýǵa ýaǵdalasqan.
Aıta keteıik, buǵan deıin Taılandtyń burynǵy premer-mınıstri Taksın Chınavat elde 1 mıllıon dollar kóleminde ınvestıtsııa salǵan sheteldikterge arnalǵan «altyn vızalardy» engizý týraly usynys jasaǵan bolatyn.
Aıta ketelik Úndistan alǵashqy otandyq chıpin 2025 jyly shyǵarady.